شہید اسلام
https://new.shaheedeislam.com
مسلمانوں کے بنیادی عقائد
کیا گوتم بدھ کو پیغمبروں میں شمار کرسکتے ہیں؟
سوال
۔ تعلیم یافتہ جدید ذہن کے لوگ ’’گوتم بدھ‘‘ کو بھی پیغمبروں میں شمار کرتے ہیں، یہ کہاں تک دُرست ہے؟
جواب
۔ قرآن و حدیث میں کہیں اس کا ذکر نہیں آیا، اس لئے ہم قطعیت کے ساتھ کچھ نہیں کہہ سکتے۔ شرعی حکم یہ ہے کہ جن انبیائے کرام علیہم السلام کے اسمائے گرامی قرآنِ کریم میں ذکر کئے گئے ہیں، ان پر تو تفصیلاً قطعی ایمان رکھنا ضروری ہے، اور باقی حضرات پر اِجمالاً ایمان رکھا جائے کہ اللہ تعالیٰ شانہ نے بندوں کی ہدایت کے لئے جتنے انبیائے کرام علیہم السلام کو مبعوث فرمایا، خواہ ان کا تعلق کسی خطۂ اَرضی سے ہو، اور خواہ وہ کسی زمانے میں ہوئے ہوں، ہم سب پر اِیمان رکھتے ہیں۔(۱)
(۱) (ورسلہ) بأن تعرف انھم بلغوا ما انزل اللہ إلیھم وانھم معصومون وتؤمن بوجودھم فیمن علم بنص أو تواتر تفصیلًا وفی غیرھم إجمالًا۔ (مرقاۃ شرح مشکٰوۃ ج:۱ ص:۵۰)۔